كلنا كده عايزين صوره..!

صوره صوره صوره.. كلنا كده عايزين صوره

صوره للشعب والحكومه تحت الرايه المنصوره

~ * ~ ربنا يفرجها ~ * ~

---------------

الصوره دي عجبتني أوي ودايما بشوفها بس في المناسبات

ومن ضمنهم مناسبه جيبالي شلل رعاش

يوم ما منتخبنا المصري لكرة القدم يفوز ببطوله أو بمباراة معينه

تلاقي الأغاني الوطنيه نزلت علي كل القنوات الأرضيه والفضائيات

المصريه

وغير الاحتفالات القوميه طبعا

ومش بلاقي غير الناس إللي ف الصوره دول كل مناس

بس مشهد الصوره ده بيفكرني بإعلان في التلفزيون

بتاع وزارة الصحه وفي آخر الإعلان

تلاقي شعار الحمله
الأب والأم والولدين

وتحتيها مكتوب

"إسأل استشير "

أنا قررت اعمل حمله كده زي بتاعت وزاره الصحه دي

بالتعاون مع وزاره الإعلام

ويكون شعارنا الصوره دي إللي فيها أبطال مصر
ونكتب تحتها

"ربنا يفرجها "

(ده فشر طبعا)

بس الفرق إيه..
إن شعار وزاره الصحه ثابت غير قابل للتغير

تقل..اه

تزيد..لأ

ممكن نقلل من عدد أفراد الأسره مثلا

يعني بدل ما يبقي ام وأب وعيلين كده

وممكن نقلل ويبقي أم وأب وعيل
أو ممكن إيه
نشل الأب مثلا ويموت مشلول كده يعني

احممم

(وده إللي بيتم تنفيذه... بعد غلاء المعيشه وكتر خيرك ياعم زكريا)

إنما الشعار إللي لازم نتخذه غير قابل للثبات

لازم يتغير مينفعش الصوره دي تفضل ثابته مدي الحياه

تزيد.. اه

تقل.. لأ

نفسي تزيد وبدل ما يكونوا 10 يبقوا 100وبدل ما يبقوا 100 يبقوا آلاف أو ملايين

إحنا 80 مليون نسمه

(نسمه بفتح النون وليس.. نسمه بكسر النون كده البلد ممكن تبوظ)

نفسي بدل مانكون 80 مليون نسمه

نبقي 80 مليون عواصف. رياح

محدش يقدر علينا

نهز العالم كله

بعملنا.. وعلمنا.. وبحضارتنا.. وثقافتنا.. وبتقدمنا..

وعشان تكون فعلا مصر أم الدنيا

بأولادها وأرضها وكل شئ فيها

هي مش الأم قدوة يقتدي به

انفسي الحال يتعدل ونقدر نثبت للعالم كله

إن مصر ستظل ام الدنيا وإنها جديره بهذا اللقب

لازم تكون

القدوة.. إللي بيقتدي بها

المناره.. إللي نورها واصل للعالم كله

عيبنا الوحيد إننا لما حد بيشكر فينا

بنتغرر حتي لو كان بيجاملنا

ليه منحولش المجامله إلي واقع ؟!!

مش عارفه!

~ * ~إحنا الحكومه~ * ~

---------------

الحكومه

(ربنا يجعل كلامنا خفيف عليهم)

بحس إنها دوله منفصله

أو كلمه عيب مثلا

أو اي حاجه وحشه

حكومه= يع = إخييي

ده مفهوم الحكومه عندنا
عن نفسي جالي وقت أقعدت افكر..

مين الحكومه دول

لاقيت شئ غريب

(غريب ولد خالي...)

إن الحكومه دول مجموعه بيرأسوا الدوله

ومحدش يفهمني غلط بيرأسوا دي

(دوكها رقص ...شيك الشيك)

يعني لو بصينا لكبير المجموعه

الريس مثلا

ولا بلاش الريس كتر خيره

(الراجل مجتلوش المراره من شويه..)

كبير المجموعه نفسه أ كتشفت إنه م الشعب

تخيلوووووو..!
اه والله كان م الشعب

ودلوقتي بقي من الحكومه
يعني إحنا اكيد فينا حد هيبقي من الحكومه

يعني المفترض نصلح من نفسنا دلوقتي

عشان بكره إحنا هنبقي الحكومه
إيه ده يعني المجموعه دي من الشعب نفسه

مش ناس من بره يعني جيبنهم يحكموا البلد

(ماشاء الله.. ياصلاة النبي)
يعني الحكومه هي هي الشعب

يعني مينفعش الشعب يعترض علي الحكومه

يعني مينفعش الشعب يعترض علي نفسه

يعني مينفعش أقول "أخييي(1)"وأنا إللي عامله" الببي(2)"

يبقي مييييييييين الحكومه؟

إحنا الحكومه.

. إحنا الشعب وإحنا إللي منا اتكونت الحكومه

وإللي هتتكون منا الحكومه

وعشان مستقبليا حال الحكومه يتعدل

لازم إحنا كمان نتعدل وننظف نفسنا

عشان يبقي اسم علي مسمي
(وربنا يجعل كلامنا خفيف عليهم)

(1) "إخييي" : أخت "يع" و "إيه القرف ده" أو "استغفر الله العظيم يارب" و

كل المصطلحات دي بنستخدمها لما نشوف شئ مقذذ أو شاذ أو حرام

• (2) "الببي" : ده الشعار الرسمي للأطفال الصغيره (والكبيره كمان...)
عايزه ماما • بعد الأكل مباشرة الطفل يقول لماما علي طول "اعمل ببي"
• وده من ضمن الأشياء إللي بنقول عليها "إخييي"
• عفوا

مفيش حاجه اسمها حكومه ومفيش حاجه اسمها شعب

إحنا كلنا في قالب واحد وكلنا بنمثل مصر

--------------------------------------------------

دي مقدمه بسيطه عشان اقدر اشخبط بعد كده براحتي

هحكي عن مأساه بنعيشها وإحنا السبب فيها

هحكي عننا الشعب والحكومه (الملك و الكتابه)

هحكي عن مواقف حصلت من كام شهر معايا

هي مواقف بتتكرر كل يوم لكن أول مره أشوفها حقيقي واعيشها

ومأثره فيا جدا

أنا بقالي شهر من إللي بشوفه عايزه اتكلم

لكن في مشهد فيديو النهارده خلاني امسك القلم واكتب عننا

والمشهد ده هبقي اوضحوا بعد كده

هو متناقض بس يخصنا كشعب وحكومه مصريه
وفي النهايه هتكلم عن بعض الأفكارإللي اتكلم عنها أستاذي

أ. أحمد عبد العليم في كتابه "مصر حيه "

أنا للآسف لم أكمل قراءة الكتاب

(لإني بطيئه.. ماشاء الله عليا)

لكن قرأت أجزاء معينه لاقيتها بتتكلم بلسان كل شاب مصري فعلا
انتظروا المزيد إن شاء الله..

ملحوظه \ الشخابيط دي اتكتبت وأنا لست في كامل قوايا العقليه

درجة حرارتي مرتفعه من إللي شوفته خلال اليومين إللي فاته دول

وإللي شوفته اليومين إللي فاتوا كوم والفيديو كوم تاني

فستحملوني معلش أنا لو مطلعتش إللي جواياممكن الضغط مع الحراره

يعملوا مفعول... اروح في أبو بلاش

وأنا غلبانه ورايا ثانويه عامه عايزه اخلصها

وارتاح منها :D:D

ربنا يستر عليا

ملحوظه كمان \ البيبي إللي ف الصوره فوق دي هبه بنت أخويا

أأمل إن شاء الله إنها تكون من إحدي رموز مصر المشرفين

وأنا كمان إن شاء الله

: D

الحلقه الأولي من حلقات للبنات وبس : "حجابي كله أناقه..وكمان بيرضي ربي.. "

أخــواتي الفضليــات

السـلامُ عليكـن ورحمــة الله

دي أول حلقه من حلقات " للبنات وبس "

وإللي هنتكلمـ فيها عن كل شئ يخصنا كـ بنات مسلمات
من أمور دينيه وأمور دنيويه

الصــوره دي حلوه أوي وعجبتني
ومنها هنبــدأ نتكلم في موضوع مهم جداً
ألا وهو...
ليه متبقاش ملابسك وحجابك كده إسلامي

هيتريقوا ويسخروا منك ..
ملكيش دعوة بيهم ربنا هيحاسبهم هما

هل ياتري ..هيجوا يقفوا جنبك لما ربنا يحاسبك..!؟

هتقولى يارب دول قالولى كذا.. وكذا..

وهما ساعتها ولاهيعرفوكى أصلاً
وهتبقى إنتِ الخسرانه..

هيشبهوكى بالستات الكبار والعواجيز
وإنتِ لسه صغيره والكلام إللي من النوع ده

بس بالله عليكى شغلى دماغك كده شويه إيه علاقة السن بالإحتشام والإحترام
ليه تعصى امر ربنا وإنتِ على علم بيه
عرفت فالزم

عرفتى إن المفروض لا يبدين من زينتهن إلا ما ظهر منها

قول الله تعالى : {ولا يبدين زينتهن إلا ما ظهر منها}

ليه تحطى ماكياج Makeupوتبوظى إبداع الخالق فخلقك

عرفتى إن واضعة العطور زانية ........؟

!ايوه زانية.. بالنص الصريح فالحديث النبوى ما روى ابن حبان والحاكم

و النسائي في باب ما يكره للنساء من الطيب و البيهقي و أبو داود عن أبي موسى الأشعري

مرفوعا : (أيما امرأة استعطرت فمرّت على قوم ليجدوا ريحها فهي زانية)
وبرضه مصممة متنزليش إلا متعطرة
أنا عارفه إن كلنــا سمعنا الكلام ده عشرميت مرهلكن يسهل سماعه ويصعب إلي حد ما تنفيذه
سمعت من بعض البنات لما كنا بنسألها عن حجابها ولبسها
كنا بنلاقي ردود مختلفه لكن من نفس النوعمنها الآتي :
أصل ماما مش موافقه إني ألبس كده
سألناها ليه ..؟
قالت : أصل ماما بتقولي إنتِ لسه صغيره
وهتعجزي نفسكـ
أصل ماما بتقولي إنت كده مش هتتخطبي
ومش هتتجوزي
أصل ماما مش عارفه إيه

أصل بابا مترك إيه

أصل عمتو..

أصل خالتو..

أصل خالو..

أصل وفصل
وسمك لبن تمر هندي
سألناها : طيب مش ماما لابسه زي شرعي.. قوليلها أنا عايزه ألبس زيكـ
( طلعت ماما أصلاً بتلبس مبهرج وبروبرق )
امممممم
ماما القدوة ماشيه مع صيحات العوجه (الموضه) الغــربيه
ولبسها (بادي كارينا واسترتشات ومحزق وملزق وبروبرق )

ممكن لحظــه..!
----------
أكيد كل بنت فينا بكره هتكون أُم إن اراد الله
يعني لازم تكون قدوة صالحه يقتدي بها
أولادها وبناتها
وأكيد كل بنت فينا بتحلم بالزوج الصالح والذريه الصالحه إللي يفتخــر بيهم

طيب منين بنتمني الزوج الصالح والذريه الصالحه
وإحنا غير مؤهلين إننا نكون أزواج صالحات..!!

طيب ماشي إيه هي المؤهلات ؟؟؟

نا مروحتش بعيد سألت الطرف التاني
بس مقولتش إيه مؤهلاتها
قولت إيه هي موصفات فتاة أحلامك ؟؟
لاقيت معظم الردود متفقه علي تلاته :-

- تكون بتعرف دينها كويس
- أخلاقها عاليه

- ذكيه

نعم..!التلاته دول بس
إزاي بقي
مش فاهمه

الردود متشابهه ومنهم إللي قالوا :-
تكون بتعرف دينها عشان لو عرفه دينها كويس

أكيد هتعرف تتعامل معايا وهتتقي الله فيه

وهتبقي عارفه إن دي طاعه عليها وواجب

طيب أخلاقها ياعم

قام قايل :
ممكن تكون عارفه تعاليم دينها

لكن أخلاقها مش كويسه

إيه ده استني كده
إزاي

قام قايل:
مينفعش إلتزام بدون أخلاق
ومينفعش أخلاق بدون إلتزام

نحمممم
أنا مش فاهمه

قام رد وقال:
يعني يافرحتي لما تكون ملتزمه قدام الناس
ومن ورا الناس بتعمل بلاوي
والاسم ملتزمه

اه تمام

ويافرحتي برضه لما تكون خلوقه جداً

ومتعرفش تعاليم دينها كويس

كابتن كابتن لحظه الله يخليكـ
إزاي بقي

يعني يافرحتي لما تكون مؤدبه

لكن لبسها غير مؤدب
والناس مظاهر

حلوه دي
تمام
طيب ذكيه دي بقي إيه دخلها في الموضوع

قام قايل :
ماهي لو ذكيه أكيد مش هتخلي ولا صفه

من إللي قولناهم تروح منها
ده غير المعني الشامل للذكاء

:D :D حلوه
طيب بالنسبه للجمال

قام قايل :
لو اجتمعت الصفات التلاته فيهاهكتفي

بكده وهتبقي عندي ميس إيجيبت

ما بلاش كلام الأفلام ده

لا والله مش كلام أفلام
ده الحقيقي

إزاي بقي هنفشر

يعني يافرحتي لما تبقي جميله

ومفيهاش ولاصفه من الصفات التلاته دول
دي ممكن تجن أهلي

حلوه
تمام
طيب تحب تقول حاجه في نهايه البرنامج
احمممم

في نهايه الحوار

قام قايل :
الزوجه الصالحه أو الأم الصالحه

بمثابه القلب في جسد الإنسان
فإذا صلَح القلب صلَح الجسد كله

وإن فسَد القلب فسَد الجسد كله

وضاع صاحبه

لافض فوك
شكراً جزيلاً لحواركم الممتع
وانتهي الحواروها هي مؤهلات الزوجه الصالحه

من وجهة نظربعض الشباب ( العاقلين )

عجبتني أوي الردود دي وعجبني آخر حاجه قالها شاب منهم
إن الزوجه الصالحه أو الأم زي القلب في جسدالإنسان
لو صلح صلح كل شئ في جسده

بمعني لو كانت صالحه صلح البيت كله

ولو كانت فاسده فسد البيت كله
وهتبقي قدوة بحق مش زي طنط أم صحبتنا دي
عشان ميجيش حد ويطبق علينا مثل

"أقلب القدره علي فمها تطلع البنت لأمها"
لو أنا ملتزمه ومتدينه وخلوقه و..و..و

أكيد بنتي لما تشوفني كده هتبقي نفسها تبقي زيوهتقلدني

انسوا بقي الموال ده كله

وتعالوا نفكــر كده ونشوف حجابنا شكله إيه

مواصفات الحجاب الشرعي والشروط الواجب توفّرها مجتمعةً حتى يكون الحجاب شرعياً
الأول: ستر جميع بدن المرأة على الراجح

(مع الأختلاف لآراء العلماءفي علماء قالت كل الجسدوفي علماء قالت كل الجسد ماعدا الوجه والكفين..
طبعاً في بنات لابسه خمار وفي حجاب شرعي (شبيه بالخمار)

نقابوفي إللي لا لابسه نقاب ولاخمار)

الثاني: أن لا يكون الحجاب في نفسه زينة
الثالث: أن يكون صفيقاً ثخيناً لا يشف
الرابع: أن يكون فضفاضاً واسعاً غير ضيق
الخامس: أن لا يكون مبخراً مطيباً
(يعني مش قبل ما تنزلي تمسكيلي شويه برفان ....وتششش تششش واديلوا ادي اديلوا ادي )
السادس : أن لا يشبه ملابس الكافرات
السابع : أن لا يشبه ملابس الرجال الثامن : أن لا يقصد به الشهرة بين الناس

امممممممم
ماتيجوا نساعد بعض وناخد بإيد بعضونبدأ وناخد خطوه إننا نصلح حجابناولبسنا
تعالوا نشوف إيه إللي يريحنا
وإيه مشاكلنا وإيه العوائق إللي بتقابلنا
ليه في بنات لابسه زي شرعي إسلامي.. وفي بنات لا..؟؟
طيب دول أحسن من دول في إيه..؟؟؟

وإحنا ياتري مين من دول ؟؟؟؟؟
ومتنسوش إن الصيف جاي عايزين نخلي شعارنا الصيف ده

" حجابي كله أناقه.. وكمــان بيرضي ربي "

قــــــــريبــاً ستنطلق هذه الحمله
تعالوا نفتح مجال للحوار
وآهلاً بالمناقشة

أختكم في الله ساميه

أنا حــُـره..!!

أنا والحريه.. ومايندرج تحت مسمي الهمجيه

أسئله لابد لها من إجابة و لكن علينا أن نجيب عليها بصدق

اعتناق دين آخر

*~*~*~*~*~*

موضوع أصبح منتشر جدا في أيامنا هذه..

البعض يقول أنها مسأله حريه شخصيه..

والبعض الآخر يصفها علي إنها جريمه ارتكبت..

ف إلي أين نحن ذاهبون؟

إلي دين آخر كما فعل البعض.... أم إلي فهم الدين والحفاظ علي إسلامنا..؟

*~*~*~*~*~*~*~*~*~*~*~*~**~*~*~*~*~*~*~*~*~**~*~

التعري الشعار القومي في مجتمعنا

*~*~*~*~*~*~*~*~*~*~*~*~*

كثرت تلك المشاهد فأصبحنا لا نري في قنوات التلفاز

غير العريفأصبح الفيديو كليب.. عري كليب

واصبحت الأفلام العربية.. أفلام عري فقط

(بحذف الباء والتاء المربوطه للدلاله علي الحريه بدون قيود لغويه هاها)

أين الحشمه؟

فهل التعري أيضا أصبح حرية شخصيه في مجتمعنا..

أم تعدي علي حقوق العامه كما يصفه البعض؟

*~*~*~*~*~*~*~*~*~*~*~*~**~*~*~*~*~*~*~*~*~**~*~

الحجاب تزمت والدين يسر

*~*~*~*~*~*~*~*~*

إلي هذه الدرجه أصبحنا لا نفهم ما نقوله

فإذا كان الدين يسر كما يقال.. فلماذا الحجاب تزمت وتشدد؟

أليس الحجاب من الدين.. فلماذا لايكون أيضا يسر وإلتزام؟

أسئله لابد لها من إجابة و لكن علينا أن نجيب عليها بصدق

أترككم مع تلك الأسئله وفي إنتظار تعليقاتكم