شخبوطـــه خيــاليه : من عـــالم تـانـي ..!

أصبحت الآن في معدة عالم عجيب و ما جعلني أذكر معدة هذا العالم

؛ أي أنني مَررتُ بمراحل وعدت أماكن جسديه في هذا العالم ,

حتي وصلت إلي بطن هذا العالم بدأَ من الفم مروراً بالبلعوم ووصولاً إلي المعـــــدة

التي يجتمع فيها و لأول مره الشئ ونقيضه!

يجتمع فيها الحار والبارد والعذب والمالح والمُر وحلوالمذاق
و يتم بلعهما سوياً بعد مرحلة الإختلاط أثناء عمليه المضغ

فيصبحا كتله من الطعام الممتــــزجه التي لا نُفــــرق فيها بين
حلو و مر المذاق لإنهم أصبحوا كتله واحده تُسمي " المُضغه "

؛ فهي مرحلة هامه يجب فعلهــا في هذا العالم حتي تصل بأمان إلي المعده

دون أن تجــرح اي جزء سنمُــر عليه من الفم إلي معدة العالم العجيب.

فما مررتُ به الآن ثلاث مراحل
مرحلة الإلتقاط :
و هذه أولي المــــراحل التي يقـــوم بعملهــا "يد هذا العالم"

التي أخذتني من عالمي و ألقيتني إلي حارس عالم العجائب
فحارس هذا العالم شفتان غليظتان مُشققتين ...
عندما رأي يدُ العالم تحملوني فتح مُسرعاً وسط لهف من

" اللســــــان "

فهو شئ يفزع منه الجميـــع فهو عبـــاره عن قطعة لحم
تبدو حمراء اللون وما أعرفه أن اللون الأحمر يرمز إلي الحُب الشديد
فلقد أظهرت لنا لونها حتي تُريحنا وتُطمئن به أنفسنا
و لكنهــــا العـــدو اللعــــوب ذات القنــاع المُـــذيف
الذي يبدو في أول الأمر بإنه الحبيب و الصديق الحنون
إلي أن يقعنا في الفخ الذي دبره لنا وأعتــــاد علي فعله

فأصبحتُ أنا الآن داخــل فم هذا العالم علي جســر لونه أحمر
يتلذذ بطعمي الجديد عليه وعلي عالمه ثم سيلقيني إلي مرحلة آخــــري

و هي المرحلة التي تمت فيها عملية المضغ
فلقد مررتُ بفك عظمي ذات أنيـــاب حــاده تُشبـه حافة سكين



مخرطة الملوخيه التي كانت تُخرط بها أمي في عالمي الأول
فكانت تخرُطها خرطاً حتي تُصبح كُتلة لينه سهلت الطبخ

و من العجيب في هذه الفتره أني عندما دخلتُ إلي فم هذا العالم لفتُ أنظار جميع ما في الفم.
فتمتموا بكلمات حتي سمعت صوت بعضهم يقول عني
إنني " شئ غريب"
حقاً..
فأنا شئ غريب لم يتعودا علي أن يروا منه في عالمهم العجيب المُظلم
فأنا شئ غريب سيُمضغ معهم في فك واحد وسيُمزج
معهم حتي يُصبح هذا الشئ معهم في مُضغة واحده

فما عليهم الآن هو أن يُجربوني أولاً ثم يُقرروا فيمابعد ؛
أأستحق العيش والوجود في عالمهم.. أم لا ؟؟!!

•انتظروا الجزء الثاني من القصه..

بقلم \ ساميه مصطفي

الحلقة الثـــ(3)ــالثه من حلقات للبنات وبس : " الذات المتورمه "

السلامـُ عليكــــــن ورحمــــة الله

إزيييييييكم جميعاً يا صبحاااتي

وحشتووووووووووووني جدااا

و كالمعتـــاد أكيد وحشنيــــي الرغي بتاعي

إحم إحم:D

و دي الحلقه الثالثه من حلقات للبنات وبس

وعنـــوان حلقــتنا هووووو...

” مرحلة الذات المتورمه ”

عه.. متورمه؟؟!!

”أبااا عتجووولي إيه يا ساميه ياختي عااد

متورمــــــه إييييه دي و منفــــوخه إيييه

أباااا عنهـــــــزر و لا إييييه ”

بس بس بس

هنفهم أهوو مع بعض

دي جمله ياستي سمعتها من شيخ المسجد عندنا

هو مأذون شــــــرعي و خطـــيب هذا المسجــــد

و سمعتهـــــــا منــــه في إحــــــــــــدي اللقاءات

لاقيته بيقول إن المرحلة الُعمريه إللي إحنا فيها

إللي هي تقريبــــــــــــــــاً ما بين 14 : 20 سنه

في مرحلــــــــــــة

” الذات المتورمه ”

يوووووه تاني ذات متورمه

يعني إيه برضه ؟؟

يعني المرحله دي بيصيبنا حاله

من حـــــــــالات التورم الذاتي

ييييييييييه

إنجزي

يعني بنشوف نفسنا وبنفكر إننا ياما هنا وياما هناك

و إننــــا خــــلاص كبـــرنا بقي مبقنــــاش صغيرين

هنخبط فـ الحلل يا حاجه ولا إيه ؟؟

لا ابتاً ابتاً:D

(تعريف مرحلة الذات المتورمه) :

هي المرحله إللي بنبدأ نحس فيها إننا بقي لينا كيان وبقي لينا رأي وكلمة وشخصيه

ومحدش يفرض نفسه علينا ده غير لمسه الكبرياء والغرور إللي قد تلازم البعض منا

في هذه المرحله يعني بالعربي كده

” رئيس جمهوريه نفسي ”

أنا إللي أقرر..

وأنا إللي أقول..

و أنا معرفش مين..

و أنا مش زي أي بنت في الدنيا كلها..

و كده يعني

إحم :D

(علي سبيل المثال) :

زمان وإحنا صغييريين يا بنانيت

كُنـــــــا غــــــلابه بنرضـــي بقليلنا

”ياعيني علينا ياختشي :D“

*- ناكُل و نشرب أي حاجه من نغير ما نعترض

*- نلبـــــس أي حاجه مـــن غيـــــــر ما نعترض

أو نقول البنطلون ده مش عاجبني..

ولا الفستــان ده معـــــرفش ماله..

أو لأأأ.. الفيـــــــــونكه دي بلدي..

كُنا بنات مسالمه جداًأ

ما الآن..فـ خلاص بقي علشان طَولنا حبتين

و كُل واحده إبتدت تشوف فـ نفسها ملامح

البنوته الكبيره..

مش

الطفله الصغيره..

و بعد ما كانت ماما هي إللي بتنقي لناهدومنا

من غيــــــــــر ما نفتــــــــح بوقنــــــا

وكنا راضيين و كله فل وعال العال

نعمه ورُضا :D

إنقلب الحال..

و إحنا إللي بننقي هدومنا من غير ما ماما تتكلم

وتفتح بوقها

عفواً..

أصلنا خلاص كبرنا بقي إزاي ماما هي إللي تلبسنا

هو إحنا صغيرين..؟!!

-

مرحلة الــذات المتــــــورمة للآسف بتــــــــــــــلازمنا في كُل معاملاتنا

معاملاتنا مع ماما ومع بابا ومع أقاربناو جيراننا و حتي كمان مُدرسينا

فـ دار العلم

( المدرسه - المسجد)

فيبدأ ظهور مرحلة ” أخذ موقف ”

تعريفها :

دي المرحلة إللي بيكـــــون فيهـــــا التعاملات علي قدر كبير من الحساسيه

إللي قد تنقلب وتصبح حساسيه مفرطه تصيبنا بالجرب الشديد في التعامل

مع من هم أساءوا معاملتنا

أو كان تعاملهـــم معانا بطريقـــــه مش لطيفـــــه و منعــاً لظهور الجرب

و مرحلة الهــــــــرش الغيـــــــــر مُستحبــه:D

فمن الأحسن إننا ناخد موقف من هذ الشخص

” تفكير خاطئ“

(علي سبيل المثال )

ماما مثلاً بما أنها أقرب حد لينا في هذه المرحله

ممكن مثلاً يصـــــدر منها تصرفات تدينا شعور

إننا لسه عيال صغيره ؟!

وده لإننا فعلاً لسه صغيريين

فـ نظـــــــارها مهمــــــــا كبرنا

”مرحلة الظهور“

وهي الفتره ما بين سن الطفوله وسن البلوغ

* ماما ساعات ممكن متخدش بالها إنها لازم تعاملنا بحذر

يعني لو زعقت لك فـ الشارع مثلاً أول ما بتروحي البيت

بتقولي لها :

”يا ماما أنا مش صغيره علشان تزعقيلي فـ الشارع أنا خلاص كبرت ”

* لو حد من جيرانك نده عليكِ زي زمانو قال خُدي يا بنت يا ”فتكات”

ده مثلاً يعني

إحم:D

عُمرك ما هترُدي وهتعملي فيها الآنسه حنفي و ول ما ترَوحي البيت

هتقولي لماما :

” متخلهاش تنده عليا وتقولي يا بنت هي بتنادي علي عيله صغيره..

أنا كبرت وليا اسم تناديني بيه ”

* لو خالتك أو حد من أقاربك شخط فيكـِ أو عاملك معاملة الطفله

الصغيره بتخدي موقف منه و تروحي لماما وتقولي لها :

” أنا مش رايحه عندها تاني دي شخطت فيا هو أنا عيله صغيره

علشان تشخط فيا قُدامهم والله ما ريحالها تاني ”

و أحياناً المُعلمه فـ دار العلم

(المدرسه – المسجد)

مثلاً

بقيتي تقولي:

” أسلوبها وحش معاياهي بتكلمني كده ليه ..؟؟

هي مش عارفه أنا مين..؟؟

هو أنا خدامه عندها..؟؟ ”

ويبدأ الشيطان ياخدك وتقومي قايله :

” والله ما أنا رايحـــــــه المسجد

أو..

والله ما أنا حضرلها اي حاجه ”

مواقف كتيره أوي بتحصل في هذه الفترهو بتكون فيها نوع من الحساسيه فـ التعامل

و إنهم لازم يعاملوني علي إني الآنسه الكبيره

إللي ليها كلمة ولازم يحترموها و يُقدروها

ده شئ مش وحش

زي ما الفتره دي ليها عيوب.. فهي ليها مُميزات..

مُميزاتها : إننا بنبدأ نكَون شخصيه ذات ثقه بنفسها فـ مرحلة عُمريه مهمه

لكن..

عيوبها : هو إننا بنبدأ نكَون شخصيه وهميه بيبدأ يتدخل ويلعب عليها الشيطان

و يوسع لنا نقطة التورم إللي بتدخلنا فـأشياء إحنا مش قدها

- أخدنا موقف من ماما وزعلنا منها

- أخدنا موقف من بابا ومكلمنهوش

- أخدنا موقف من خالتو و قُلنا مش هنزورها

- أخدنا موقف من جارتنا وبقينا مش بنرمي عليها حتي السلام

--------------------------------------

ممكن لحظه

~*~*~*~

أمي أو أبويا الوالدان..

وما آدراك ما الوالدان..

فكما قرأت في بعض الكُتب

الوالد با لإنفاق..

والوالدة بالولادة والإشفاق..

فللّه سبحانه نعمه الخلق والإيجاد..

و من بعد ذلك للوالدين نعمة التربيه والإيلاد..

مقدرش ازعل منهم لو عملوا إيه بالذي

ده أنا أشيل جزمتهم فوق راسي

إحنا مهما كبرنا جسماً وسناً عُمرنا ما هنكبر عليهم

بناخد علي خاطرنا منهم..

وكإننا ضمنا معيشتهم أبد الدهر ..!

مفيش وقت للزعل والغضب دول كنز وهبه الله لنا تحت أبصارنا

ولكننا للآسف لم نره

- خالتك أو عمك أو أي من أقاربك.أوعي تزعلي منهم..

.أوعي تخلي الشيطان يضحك عليكـِويزرع فيكـِ الكبر و الغرور

.أوعي تشوفي نفسك عليهم

.أوعي نفسك الأماره بالسوء تاخدك

وتخليكـِ فـ يوم تغضبي منهم

وتبعدك عن صلة أرحامك

- جارتك إللي قد ماما أو أصغردي أقرب ليكـِ من أقاربك

إللي إنتِ من دمهم وهما من دمك

,, بالمختصر المفيد ,,

ما هلك أمرؤ عرف قدر نفسه

وكما قال عُمر بن عبد العزيز

ـ رحمه الله ـ

” رحم الله امرأ عرف قدر نفسه ”

لو عرفنا نفسنا حق المعرفه

عمرنا ما هنصاب بمرحلة التورم الذاتي

أو النفسي

وها هي

مراحل ” الذات المتورمه ”

~*~*~*~*~*~*~*~*

1- مرحلة التفكير

2- مرحلة وضع الشعار

3- مرحلة فرض الرأي

4- مرحلة أخذ موقف

5- مرحلة التعالي

عايزين نتغلب عليها ونقاومها

و أكيد في منا مر وما زال في تلك المرحله

و إللي بسببها بعدنا عن ناس كتيييييير أوي

وبدأنا ناخد منهم موقف و بدأنا ننسي إن المفروض تعاملتنا

لله عزوجل..

لا

لأنفسنا..

عاييزين نجاهد نفسنا و نحاول بقدر المستطاع

إننا ناخد بالنا من تصرفاتنا وأفعالنا

و ناخد بالنا من إللي حوالينا

ونحب إللي يحبنا

ومننساش أصلنا

و ياريت نبدأ نصلح كُل إللي ضيعناه

و إللي فينا زعلانه من حد و ذاتها المتورمه

خليتها تتعالي علي إنها تكلم إللي أخدت منه موقف

تبدأ ترفع سماعة التليفون و تنسي خاااالص التكبر النفسي

عايزين نخلي شعارنا

” أنا بتعامل لله.. لا لنفسي ”

وأحسن أخلاق الفتى وأتمها تواضعه للناس وهو رفيع

وأقبح شيء أن يرى المرء نفسه رفيعا وعند العالمين وضيع

شخبوطه غريبه عجيبه عن : " إللي ما يسواش "

يا خلق يا ناس

متعقدوهاش

سبوها عايشه

متحبسوهاش

دي الدنيا فانيه

أيوه ما تسواش..

أبعد يابني عن الهلاس

فطرتنا حلوه متخربهاش

اسكت ليه ؟!

ماهو راح و خلاص

ع إللي ما يسواش..

تحدف قُلّه أو بلاص

هيروح وتروح إنتَ

فـ أبو بلاش

يا خلق يا ناس

متعقدوهاش

سبوها عايشه

متحبسوهاش

عصفوره بريئه

ووحوش جريئه

دي الدنيا دنيئه

ياحفيظ يا مغيث

دي النهايه..

لا دا الخلاص

هتروح فـ شربه

مايه وتداس

زي إللي إنداس

م إللي ما يسواش..

دا قالوا زمان

بيت النتاش

إللي مايسواش..

عمره ما يعلاش

وقالت إستفتاح لجعبل

الصبر طيب

ع الخسيس المتعيب

إللي ميسواش..

ليه تسكت ليه

يا عباس

وتفضل علي حالك

محتاس

دا إللي مايسواش..

قالها!

ليه متقولهاش

صح صحيح و كمان صحوح

وتفضل كده دايماً نحنوح

لا طايل العشه ولا السطوح

وياخدهم منك المفضوح

إللي مايسواش..

فلوس و إتسرقت

بيوت و اتخربت

آكله و إتحرقت

وشربهلنا

إللي ما يسواش..

إللي ما يسواش

لا نكله ولا تعريفه

دي حكايتنا طريفه

لطيفه

منك لله يا ابن ظريفه

يا إللي ما تتسماش

آآآآآآآآه

يا إللي ما تسواش..

كلمات \ ساميه مصطفي

شخـــابيط إنسان بعنــوان : " قلبـــي المجنـــون "

هاتجـــــــــــــــــن و بتذل

دا خلاص يا ناس أختل

مِـن كُــتر الشــــــدّ اتعل

بقــي ســـايل زي الخل

قــــاعــــــد آه يـا عينـــــي إتشل

يبُــص شمــــــال يـــلاقي يمين

متقــــــولشي يـا خـــــويا أحول

واحد يروح التاني يجي يحتل

يـا قلبـي إهــدي و أعقل

و ع الحب إثبت و إتقل

يـا عينـي عليك يا قلبي

بـاقيــت تــايــــه محتل

هاتجـــــــــــــن وهتشل

علي قلب أهتم و أهبل

جِــــــــــــــــراحه كتير

أفــــــــــــــــــراحه أقل

هاتجــــــن راح أتشل

من نظـــرة عيـــن أتجن

من كلمة ألاقينـــي بحن

و هـــــــــــــو و لا بيمل

متقولشي ياخويا دا جن

و قلبـــي عليـــــــــــا يزن

قـــال إيه عايـــزني أحن

قُلتله أقعـــــــــــــد و إتكن

قــام قالــــي الحُب ده فن

دا خلاص يا ناس إتجن

---------------------------------------------------------8888----------------------------------------------------

كلمات \ ساميه مصطفي

الحلقة الثــ(2)ــانيه من حلقات للبنات وبس : " رمضان غيرني "

السلامـُ عليكــن جميعاً ورحمة الله

أززززيكم
وحشتووووووووني جداااااً نفر نفرررر
كـُل سنه وانتن بخير وإلي الله أقرب
" حلوه جوي جوي أنتن دي :D "

وحشني الرغي بتاعي
قـُلت أرغي بقي شويه عن رمضــــــان و التغيير
علشان لو مُت تقوله ياااااه كانت رغااااي بشكل
•ربنا رحمنا :D
" أبقوا أفتكروني بالخير خالوا ربنا يبارك لي
فـ تُربتي بدل ما أولع جوووه :D:D "

ودي تعتبر تاني حلقه من حلقات للبنات وبس

وإللي هنتكلمـ فيها عن التغيير وعن فضل رمضان فـ حياتنا
وإللي هعرض فيها حكايتي مع رمضان
وإزاي رمضان غيرني

•~*~*~*~*~*~*~*~*~*~*~*~*~*~*~
رمضااااان
•~*~*~•

أجمل شهور السنـــه
الشهر إللي كلنا بننتظر قدومه بفارغ الصبر

•شهر الله
•شهر القــــــــــــــــــــــرآن
•شهر الرحــــــــــــــــــــمه
•شهر الغـــــــــــــــــــــفران
•شهر العتـــق من النيـــــران

•شـــــــــــــــــــــــهر الآلاء

•شهرالنجــــــــــــــــــــــــاه
•شهر الصبــــــــــــــــــــــــر
•شهر المواســـــــــــــــــــــاه
•شهر الخيـــــــــــــــــــــــــر

•شهر التوبــــــــــــــــــــــــة

•شهر البركـــــات و الخيــرات
•شهر إجابه الدعــــــــــــــوات
•شهر إقـــاله العثـــــــــــــرات
•شهرالكـــــــــــــــــــــــــــرم
•شهر الإفاضـــات و النفـــحات
•شهر مضاعـفــة الحسنـــــات
•شهرالإحســـــــــــــــــــــــان

و آخيـــــــــــــــــــراً......
•شهر العــــــــوده إلى الله
•شهر التغييــــر..


•كتير من الناس تقـــربت من الله تعالـي في هذا الشهر
•كتير من الناس عرفـــت معنــي العبـاده في هذا الشهر
•كتير من الناس ربنا منّ عليهمـ بالهدايه في هذا الشهر
•و كأن هذا الشهر بدايه التغييــــر..

في طعمـ غريب و لذه غير عاديه فـ العباده
مع إننا بنصلي و نصومـ و نتصدق فـ أيامنا العاديه
لكــن فـ رمضان ليها إحساس و معني تاني


كتيـــــــر مننا كـ (بنات) بيلتــــزمـ فـ رمضـــان
صومـ.. صلاة.. صدقه..و إلخ من العبادات
ولبس طويل وطرح كبيره ويوم الوقفه يا معلمـ
الأغلبيه بتقلع

•- الطرح بتتقلع X الشعــــــور بتتكــوي بمكـــوة الرجل:D..
"و اديله ادي اديله ادي "
•- العبايات والواسع بيتقلع X و المحزق و الملزق بيتلبس
•- الصلاه بإنتظامـ فـ رمضان X الصلاه متقطعه & مفيش صلاة
وحاجات تانيه كتييييييير

و بعد ما كانت الحياه لونهــا بمبي و أبيض و تقوي و إيمان و إلتزام
بقت الحياه لونها أسود و بني مقاس 45
و انقلب الحال..

• و بعد ما كُنا منتظرين قدومـ رمضان بفارغ الصبر
•بقينا كمــان منتظرين إنتهــــــــــاءه بفارغ الصبر
•مش عارفه ليه ؟!

•للدررجه دي مشتاقين لمعاصي ما بعد وماقبل رمضان
•ده حال البعض طبعاً ده إن مكنش الكل

" خفي بقي يا ساميه ياوختشي كفايه نظرة تشاؤم
و كفــايه كــلامـ م النــوع ده حفظناه و ربنا و عارفينه "
طاااايب:D

~*~*~*~*~*~*~*~*~*~*~
رمضان غيرني
~*~*~*~


الزي بتاعي كان بنطلونات.. بديهات..
ساعات عبايات وأكيد طرحه بس كانت صغيـــره
مـ إللي طولها 5 سم إللي يادوبكـ بتغطي الرقبه
و الحمدلله رب العالمين علي كده
نعمه و رضا :D

بصلي بصومـ و كله كويس إلي حد ما
لكن.. ينقصني الزي الرسمي للمسلمات

•الزي إللي يفرق بيني وبين أي حد من دين آخر
•الزي إللي يخلي كل البشر تشاور عليا و تقوول
دي بنت الإسلامـ أو دي من بنات أمة محمد
- صلوات الله عليكَ و سلامه ياحبيبنا يا رسول الله -

روحت لبابا قـُلت له عاوزه ألبس طرحه شرعيه
رد بابا وقالي : لأ..

منقشتهوش سكت و قُلت علمـ و ينفذ
أعدت أفكر طيب ليه بيقولي لأ.. ؟؟!!
حد يرفض بنته تلبس طرحه كبيره ومحتشمه
لا لازمـ أقعنه وأواجهه و أقوله ليه رفضت

روحت تاني دخلت عليه ومبتسمه البسمه العبيطه بتاعتي :D
إللي بتقوله السلامـُ عليكمـ
وقتها كنت خجوله شويه
" دلوقتي أعوذ بالله بجحه بجاحة الدنيا :D "

• ساميه : بابا نفسي ألبس طرحه شرعيه
•بابا ببصه يشوبها الإستغراب : لما تكبري شويه يابنتي
•ساميه في سِري : "أكبر أكتر من كده ده أنا شعري أقرب يبيض "
ماهو يا بابا أنا عندي 14 سنه يعني كبرت أهو مش طفله يعني

•بابا : يابنتي هو أنا بقول طفله و لا مش طفله
رفضي لا يعني إني مش عايزكـ تلبسي طرحه شرعيه
لكن..
رفضي هو خوفي من إنكـ تقلعيه بعد كده
وخصوصاً إنكـ فـ سن المراهقه لسه
يعني ممكن لما تشوفي صحابكـ بطرح صغيره وبنطلونات
تزهقي من لبسكـ و تقلعيه
فكري كويس
•ساميه : حاااضر

بعدها إستغربت أكتر وقـُلت ليه بيقولي كده
هو كلامه صح 100%
لكن إمتي بقي هكبر وأحقق ده
وتوالت الأيامـ وأنا في حيرة مستمره
وفـ شوق وإنتظار لهذا اليومـ
إللي بابا هيوافق فيه ويقولي إنطلقي
أو اليومـ إللي هكون فيه فعلاً كبرت عقلاً وسناً
و قادره علي إني أرتدي الطرحه الشرعيه

وفـ يومـ نزلت أنا و بابا المنشية
علشان نشتري لوازمـ كانت نقصانه
لرمضان
واليومـ ده كان قبل رمضان بيومين
أو اليومـ إللي قبل وقفة رمضان

وإحنا بنشتري الحاجات وبنتجول في إحدي
شوارع المنشيه المشهوره ببيع أتواب الطرح
وما إلي ذلكـ
لاقيت بابا بيقول : دي المحلات إللي بيشتروا منها أتواب الخمار
عرفتي بيتباعوا فين
علشان لو جيتي تبقي عارفه

•سرحت شويه وقُلت في سري :
يا لعبكـ يا بابا
إنت مش كنت معترض
جاي دلوقتي توريني المحلات إللي بتبيع الطرح الشرعيه
ممممممم
ماااااااشي

اشترينا الحاجات ومروحين لبيتنا الكريمـ
ركبنا الميكروباص
ولاقينا خير اللهمـ أجعله خير
بنات لابسين بنطلونات ضيقه وبديهات والشباب بتعاكسهم
!!

ساعتها بصيت لبابا وأنا ركبه بجانبه
وقُلت : عرفت ليه بقي يا بابا أنا عايزه ألبس طرحه شرعيه
؟!!

سكت
إنتهزت لحظة سكوته والموقف بتاع البنات دول
وقُمت قُلت له :
أنا نفسي ألبسه علشان أبقي ماشيه فـ الشارع ومحدش يقرفني بقي
ويوجع دماغي بمعاكسات زي الزفت

قام رد وقال : إللي شيفاه صح يابنتي أعمليه

بوم بوم لولولي طاخ طاخ
عااااااااش بابا عاااااش

عااااش عاااش عاااش

قلت علي طووول فـ سرري : وهو المطلوب إثباته

وعلي طول ما صدقت
روحت البيت وقُلت لماما فرحت
ولاقيتها طلعتلي من مصروف البيت وقالت لي :
روحي جيبي طرحه بكره وعبايه كمان معاها علشان تلبسيها بالمره

روحت تاني يومـ الساعه 1 عقب صلاة الظهر مباشرة
ومعايا صحبتي كانت هي كمان هتشتري حاجات
روحت المنشيه وأعدت أدور علي عبايات وأفتكر الشارع إللي بابا
قالي عليه بتاع الطرح الشرعيه وأتواب القماش
لحد ما جبت العبايه
وآخيراً لاقيت شارع الطرح دي
أخترت اللون واشتريت الطرحه وسبتها عند الراجل
إللي جنب المحل علشان" يسرفلها "

والوقت ساعتها كان ع المغربيه
صلينا المغرب فـ جامع شكله جميييييل جداً
كان بجوار محل الطرح
صلينا المغرب وبعدها توجهنا إلي محطة وقوف الميكروباصات
علشان نعووود إلي بيتنا الكريمـ

يادوبكـ روحنا علي صلاة العشاء
طلعت البيت وريت ماما العبايه والطرحه عجبتها
وقُمت لابسه الطرحه بدون تردد
ونزلت جررررررررري علشان أصلي بيها صلاة التراويح الأولي
فـ المسجد

وقتها مجاش فـ بالي مثلاً إزاي همشي بطرحه واحده طول الشهر
والمفترض أنظمـ لبسي وأجبلي طرحتين كمان
ده تفكير أي حد بيبقي بيحضر للبس المحتشمـ أو ما إلي ذلكـ
لازمـ نقول أظبط لبسي وأجيب وأعمل وأسوي
ونستني لحد ما نجيب ونشتري والشيطان يسهونا
وننسي وأحياناً بنصرف نظر عن اللبس ده
وتلاقي الشيطان بياخدنا لعالمـ تاني

أنا أخدتها بحموتها زي ما بنقول بلـ بلدي
وسبتها علي ربنا وقُلت طول ما الهدومـ بتتكوي وبتتغسل
وكله فلّ يبقي بلاش أعقدها
ومفكرتش فـ إني معايا كامـ عبايه علي طرحه واحده
كل إللي كان بيشغل تفكيري هو إني هبقي ماشيه فـ الشارع
وأنا مرتاحه فـ لبسي وإني آخيراً لاقيت الشئ إللي كنت بحلمـ بيه
وإللي بيريحني
و مش قادره أوصف شعوري بعد ما نزلت من بيتنا وأنا لابسها
ولابسه الزي الإسلامي

توجهت إلي مسجد قريب مني بنروح نصلي فيه أنا وصحابي
وإعتادنا إننا نتجمع فيه للصلاة كل سنه
ولاقيت صحابي إنهالوا عليا وقالوا :

إيه ده سااااااااااااااااميه
مش معقول ..
جميل أوي..
مبرووووك..
إيه الحلاوه دي..
يا جاااااااامد..
جبتيه بكامـ؟..
اشترتيه منين؟..
لبستيه إمتي؟ ..
هتلبسيه علي طول ولا هتقلعيه..
وما إلي ذالكـ


أما بعض أقاربي قالوا :
إيه معجزه نفسكـ كده ليه..
اهلاً بالحاجه ساميه..
هتخنقي نفسكـ كده..
مين إللي طلعها فـ دماغكـ..
وكلامـ مـ النوع ده

لكن الحمدلله رب العالمين
ربنا أعطاني إيمان رهيب بإللي أنا بعمله
وبقيت متأكده 100% إني طول ما أنا عايزه ارضي ربنا
فأكيد ربنا هيرضيني ويرضي عني ويرضي الناس عليه
و بقيت بمشي بقول حبيبي رسول الله فلقدجاء في الحديث الصحيح، عن النبي-صلى الله عليه وسلم- أنه قال:
"أن من التماس رضا الله بسخط الناس رضي الله عنه وأرضا عنه الناس، ومن أرضا الناس بسخط الله سخط الله عنه وأسخط عنه الناس"


منّ الله عليه وسترني بالحجاب
وبعدها أرتدي أصحابي الـ 3 طرح شرعيه
فـ بدايه كل رمضان علي مدار الثلاث سنوات


الآن أحتفـــل بمرور 3 سنوات علي إرتدائي الطرحه الشرعيه
وأهنئ أصدقائي و باقي أخواتي إللي ارتدوا الحجاب
وحققوا أول خطوة من خطوات الإلتزام
فهنيئاً لهمـ

الشخبــوطه الثـــ(3)ــالثه بعنـــوان : عم زكريا.. نزل إسكنــدريه

عـم زكــريا نزل إسكندريه

بعد ما زنت فـ و دانه عليه

لـم يا عينـــــي المُـــرتب

إيشــــــي رُبعُميه إلا ميه

علي قرشــــين م الجمعيه

و كمان تحويشت السنويه

بقوا قول خُمسُميه سُبعُميه

وراح واخد ست عليه

وعيـــــاله السبعاويه

محمد و فتحـي و فوزيه

و أحمد و قوزي وفتحيه

و البـت تــــوته المنسيه

آخر العنقــــــود الفقريه

آجر شقــــه فـ المنسيه

جمب البحــــر بشويه

إنمـــا إيه.. فُـل الفُـل

و ميــــــــه ميـــــــه

ريحها حلو وفرايحيه

وكُـل يــــــــوم ع الصبحيه

ياخُـــدهم ع البحـــــر شويه

و يفطرهم فول علي طعميه

لحد ما تيجــي العصريه

و تحضر لهم ماما عليه

غديــــوه م إللــــي هيّه

إيشــــــي مُلوخيه بالتقليه

علي كُـفتــه بالــرز ممليه

علي شويه بطاطس مقليه

و ساعـات فـلافل محشيه

و أهــي آكلــــــــــه هنيه

م إللــي متكفيشـــــــي ميه

و تكفــــــي يا دوبكـ إبقاق

البغلاويه.. ولاد المفتريه

أُم فِـشـــه دايمـــــاً عايمه

و إللــي كل سنه والتانيه

تلاقيها ع الخِـلفــه حاميه

و زي القُـطـــــه العاميه

سمعت كلام نينه ساميه

إللي كات تقول..

علي طوول..

يغلبكـ بالمــال يا عليه

أغلبيه بالعيال يا عينه

بقي دا اسمه كلام يا عالم

بقي دا اسمه كلام يا هانم

لجل ما يغلبـــــــــــك بالمال

اغلبيـــه إنتِ براحـــت البال

مش بكُـتــــر الخِـلفه والعيال

ولجل ما تكون حياتكم ورديه

و زي الفُــــل و عــال العال

~*~*~*~

لمتـــابعة باقي حكايات عمـ زكريا السابقه

•الشخبوطه الصفـــ(0)ــريه بعنوان : شخابيط.. و السيره الذاتيه

http://shakhabitsamiamostafa.blogspot.com/2010/03/blog-post.html

~*~*~*~

•الشخبوطه الأولـــ (1)ـــي بعنوان : عمـ زكريا .. والدروس الخصوصيه

http://shakhabitsamiamostafa.blogspot.com/2010/03/blog-post_10.html

~*~*~*~

•الشخبوطه الثــ(2)ــانيه بعنــوان : ليله غسيل عليه
http://shakhabitsamiamostafa.blogspot.com/2010/03/2.html

هــيَّ مـش فــوضـــي..!

أنا قـُلت أخد فاصل قصيــر وأعود

(لكن الفاصل طول حبتين ورجعت لاقيت نتائج مترتبه

كانت شخبوطتي هتحكي عن جزء بسيط منها..

لكن رجعت لاقيتها كبرت ووسعت أوي )

أكمل باقي كلامـي في آخر شخبوطه

كنت كتباها كانت بعنوان :

كلنــا كده عايزين صوره..!

كان فيها تعريف بسيط عن مفهومي لوجهين العمله المصريه

الشعب & الحكومه

فـ مدونتي : http://shakhabitsamiamostafa.blogspot.com/

وع الفيس :http://www.facebook.com/photo.php?pid=297086&id=100000207739132

إيه الحكايه ياحاجه ؟؟؟

أثناء ختامي للشخبوطه كنت بقول إني لازم أشخبط

وده بسبب إللي شفته خلال الشهرين إللي فاته !!

وقُلت كمان إللي خلاني أكتب الشخبوطه دي

فيديو شوفته أثار غضبي

إيه بقي إللي حصل ؟؟

نبــدأ الحكايه من الأول

الشــــرطـه بتفتـــش وتعـــذب الشـــعب

*~*~*~*~*~*~*~*~*~*~*

حكايه واقعيه لأسرة مصريه بسيطه

بدايتها ابن هذه الأسرة

- شاب مصري فـ الـ24من عمره

ذهب إلي إحدي الدول العربيه عشان يكون مستقبله

فـ دِول صناعه المستقبل

دول الخليج العربي

(ياهلا فيتش والله )

راح فُم الخليج وهو في الـ 21 من عمره

وعاد من فُم الخليج وهو في الـ24

بمروحته..الـ ”توشيبا العربي“

و

ثلاجته.. الـ “توشيبا العربي“

برضه..!!

(راجع من دوله عربيه هيجيب إيه يعني ايفيرنال مثلاً العربي..عربي:D)

المهم عمله قرشين كويسين بعد نشفان ريق وبهدله ومرمطه

( غربه بقي يعني..!)

راجع لبلده الحبيبه.. ولأهله.. وناسه..

وخطبته إللي بقالها 5 سنين فـ وش العدو :P مخطوبه له

ده غير سنتين حب قبل الخطوبه وإعجاب وإلخ.. إلخ..

(بالمناسبه الإجازه إللي قبل النزله كَتَبْ كَتْبْ كِتَابه الحمدلله....بوم بوم لولولولي طاخ طاخ:D)

الأسبوع الأول صرف فيه نص فلوسه من هدايه لخطبته.. ولإخواته..

وولاد إخوانه.. وأخواته.. ولوالديه

وحماته

(البومه علي حد قوله:D )

الواد بقي أشفور ياعيني

إلي أن جاء يوم التفتيش العالمي

ماشي هو وصاحبه في أمان الله

وفجأه!!!!

هُب!

هُب!!

هُب!!!

ظابط حليوه عمال يلم في شباب وبيركبهم البوكس وقفهم وبيقولهم :

هاتوا عشره جنيه

( إيه ياجدعان الراجل غرضه شريف وربنا.. تلاقيه ممعهوش فكه ولا حاجه)

(الشاب في دهشه وإستغراب):

إشمعنا ؟؟

الظابط : إخلص..!

صاحب الشاب : ياعم متديله ياعم خلينا نخلص..

الشاب بضحكه يشوبها إستغراب وفي نفس ذات الوقت سُخريه رد قال لصاحبه :

اديله إيه ياعم..معييش غير عشره جنيه وربنا..!

الظابط : ياللا بقي أخلصوا كل واحد يدفع عشره

الشاب : طب خُد خمسه جنيه

الظابط : إنت هتفاصل يابني..ياللا بقي عشان أمشيكم

(بصراحه الظابط برضه كان محترم ومؤدب يعني وبيتكلم بأدب...مش بقول لكم الراجل غرضه شريف)

الشاب بإستغراب وببساطه وضحك ماهو فاكر إن الظابط بيهرج وبتاع مش جد وكده

(ماهو ميعرفش الخيبه ياعيني لسه جاي م الغربه ..!)

المهم كلمه م الظابط علي كلمه م الشاب إزاي بقي يوقفه ويقوله هات عشره جنيه وليه وليه بيكلمه بالأسلوب الحلو ده

الشاب أخدته الحماسه والرجوله بقي وقاله :

ياللا بجملت حقي وحقكـ ناخده في القسم ياللا يامعلم

( غشيم الواد معلش ..)

هُب!

هُب!!

راحوا أقرب قسم شرطه التابع لهذا الظابط

هُووووبا

اعمل محضر

هُووووبا

الظابط دخلهم الحبس

( ليه وليه مادهوش العشره جنيه... دا إنت هتشوف ليله سوده وبني مقاس 48)

هُوووبا

أبوه وأمه قلقانين عليه هو وصاحبه

هُوووووبا

قاعدوا يدورا عليهم في المستشفيات وآخيراً...

لاقوهم في القسم

هُوووووبا

أخو صاحب الشاب بيسأل بقي عنهم

هُووووبا

بعدها سأل الظابط مالهم ياحضرت الظابط

هُوووووبا

رد الظابط قال مظبوطين ببرشام وبيره

قشططططططططططه!!!!!

(مش عشره جنيه..:D)

هُووووبا

الخبر راح لأمه وأبوه

هُوووووبا

إخواته البنات إنهاروا م العياط :

أخونا إتمسكـ ببرشام ياحووووستي !

هُووووبا

كل بنت فيهم سرحت في شريط مستقبلهاإللي تقول :

يالاهوووي أقول لخطيبي إيه؟؟

أخويا إتمسكـ ببرشام وبيره..؟؟!

واخو إللي نفسه يطلع ظابط بحريه قال :

خلاص مستقبلي رااااح

أخويا هيبقي سوابق !!

وإللي يقول :

ياتري هيبقي شكلنا إيه وسط الجيران

وادي خلاص مستقبل الأسرة وسمعتهابيروح في الطين!!!!!

و

و

و

و

و

و

و

و

و

و

كل ده عشان

عشره جنيه

؟؟؟!!

اه يالاهوووي

وبعدها سأل اخو صاحب الشاب هو واخو الشاب الأكبرالظابط الصغنطط فام قالهم :

بكره هنرلحلهم ع النيابه أو المُديريه

حاجه كده تقريباً المهم اترحلوا بس كل واحد فيهم في حته

والحمدلله عرفوا يجيبوا

" واكسه"

أقصد

"واسطه"

:D

ويحاولوا يطلعوهما

لمهم صاحب الشاب طلع من المديريه

وأخينا الشاب صاحبنا الغلبان

الظابط حاطه في دماغه وقام بص له وقاله (ياااالليييييييل):

استني إنتَ ..!

(تعالالي إللالي ياحبيبي تعالالي)

رجعهولي ع القسم تاني

( الراجل قصده شريف ياكماحه بقي..الله)

بس الحمدلله ملحقش يوجب معاه ويشربه شاي بالياسمين:P

كان وقتها التليفون بيرن تررن تررن

مين ؟؟؟

مكالمه من..... ”الواسطه“

أي نعم الواسطه مكنتش من إللي هيا يعني وكده

عشان كده طلعوه بعد ماعملوا محضر

بـ ” معاكسات ”

بدلاً من ” البيره والبرشام ”

آآآآه ياني

لو كانت الواسطه كبيره شويه كان زمانه طلع بحسن سير وسلوك

ـمش ” معاكسات ”:D:D

(ياللا أحسن من مفيش..:D)

لأول مره هبتدي أتعاطف شويه مع الواسطه..

تخيلوا لو من غير الواسطه

* كان هيبقي زمانه مرمي في الحبس ؟؟؟

* كان هيبقي كل فرد في الأسرة دي متعذب ؟؟؟

* كان مستقبل إخواته البنات وأخو الصغيرهيضيع ؟؟؟

* كان ممكن أمه وأبوه يجيلهم قهره يموتوا لما يشوفوا ابنهم

محبوس بتهمه

أي نعم بسيطه لكن بالنسبه لهم كبيره لإنهم..

”شُرفــــــــــــــــــــــــــــــــــــــــــــــــاء“

ناس فـ حالها كافين خيرهم شرهم متعودوش ع الاقسام والبهدله دي

ودي أول حكايه إتعرضت لها هذه الأسرةالبسيطه وكل ده عشان..

?

?

?

?

عشره جنيه!!!

كويس إنها جت علي قد كده

أومال لو كان 1000 جنيه

كان هيلبسه قضيه مقتل سوزان تميم بقي علي كده

المشهد ده إتكرر كتير أوي

وقبلها كانت لشباب عملوا شويه شغب مع ظابط

قام ملبسهم قضيتين فُـل من إللي همـــــا

(ياماشاء الله..مين يزود:D)

وإنتهي المشهد بمقتل الشاب السكندري

"خـــــالــد محمـــــد سعيـــــد"

رحمه الله عليه

ليييييييييه كل ده ؟؟؟

تفتيش..

وتقليب..

وضرب..

وإهانات..

وتعذيب..

وقتل..

!!!!!

؟

هـــيَّ مش فــــــوضـــــــي..!

شباب مصر

شاب بيُقتل وبيمثلوا بجثته..!

وشاب إنتحــرعشان حبيبته..!

وشـاب بيتعذب وبيتقتل..!

وشاب بيقتل وبيبلطج..!

وشباب ضايع..!

مش لاقي يد حنونه تعطف عليه

سألت وأعدت أدور عن ماما ..أم الدنيا كلها

" مصــــــــــر"

دورت علي إيدها الحنونه

إللي بتضمنا بيها كلنا

وبتجمع بيها شملنا

لحـــد ما لاقيتها..؟!

لاقيتها زعلانه مننا

وشايله ياعيني همنا

ونفسها تاني تلمنا

وترَجع تاني شمسنا

لأرضنــــاوتحقق لنا

حلمنا..في مصرنا

علي أرضنا..

أرض أجدادنا

الفراعنه

الله عليكـِ يا أُم الدنيا

وأُمنا...!

هـــيَّ مش فــــــوضـــــــي..!

عشان كده لسه فيها شباب فيهم الخير

"خــــــالــد الحـُسينــــــي"

ملازم أول و مثال للظابط الملتزم

كان حديث الشارع المصري

فيديو إستضافته في البيت بيتك

http://www.youtube.com/watch?v=Axiaj3mssJs

هـــيَّ مش فــــــوضـــــــي..!

علشان كده مينفعش نسكت لإي حد يفكر يشوه صورتها

هـــيَّ مش فــــــوضـــــــي..!

ملحوظه \ الشخبوطه دي اتكتب مباشرة بعد إمتحان الإنجلش

إللي بيتحل فـ ربعــايه الساهل خالص مالص

إللي جبلي شبه شلل رعاش

مع شويه هبوطس حادز :D

دعواتكـــم مطلعش م الإمتحــانات دي علي نقاله :):)